Dünyanın En Gözel Geçici Bayrağı

Her kese ve her millete özünün yiyelendiği her şeyi en gözel olduğu kimin bize de bu bayraq bizim bayrağımız olduğuna göre dünyanın en gözeli dekik. Geçici dediğimizde Güney Azerbaycan milli hereketinin bağımsızlığa ve istiqlala varanacan bayrağımız bu olsun diye düşünkük. Güney Azerbaycan öz bağımsızlığını elde edenden sonra ve bütün Azerbaycanın yaranışında, bizi ikiye bölen Arazın simgesi olan çizgi de qaldırılırken ebedi ve milli bayrağımıza qavuşmuş oluruq. Helelik bu geçici bayrağa baxan derin düşünenler onda bütün Azerbaycanı görebilerler. Ne yazıq ki onda bizi zülmülen ayıran, bizi ikiye bölen sınırı da görebilirik. Bu bayraq her kesin veya her qurubun sıradan sunduğu bayrağa benzemez. Onda telesiklikle milli bayrağımızın boyalarıyla veya kesişleriyle oynanılmamış. Bu bayraqda bütün Azerbaycanın doğru ve gerçek indiki durumu görünür. Bu bayraqda bir milleti ikiye bölen Araz çayının acı gerçeğı milli bayrağımızı deyiştiren yalniz simge olmuştur. Bu bayraq ap açıq gerçeğı ortaya qoyarken ebedi ve milli bayrağımızı zedelememiştir. Demek bir veteni ikiye bölündüyünü göstererken sayqısızlıkda bulunmamıştır. Yaxın geçmişte başqa sunulan ve hatta Güney Azerbaycanın milli bayrağı diye yerleştirilmeye çalışılan bayraqlarda bütün Azerbaycan bayrağına sayqısızlıkların olduğuna tanıq olmuşuq. Yazıqlar olsun ki özel ve kişisel seçeneklerden yola çıxan ve yerinin boş olmamasını güden kimseler ve quruplar ebedi ve milli bayrağımızı öz oyunlarına getirmişler. İndi cure be cure Güney Azerbaycan bayrağı ortalarda milli bayraq adlanırken Güney Azerbaycan İstiqlal Partiyasının bayrağı en düzgün en üyqün ve bizi simgeleyen en gerçekçi bayraq görünmektedir.

Sayqılarımla

Oğuz Türk

 

دونیانین ان گؤزل گئچیجی بایراغی   هرکسه و هر میللته اؤزونون ییه لندیغی هر شیی ان گؤزل اولدوغو کیمین بیزه ده بو بایراق بیزیم بایراغیمیز اولدوغونا گؤره دونیانین ان گؤزلی دئدیک. گئچیجی دئدیدیگیمیزده گونئی آذربایجان میللی حرکتینین باغیمسیزلیغا و ایستیقلالا واراناجان بایراغیمیز بو اولسون دیه دوشوندوک. گونئی آذربایجان اؤز باغیمسیزلیغینی الده ائدن دن سونرا و بوتؤ آذربایجانین یارانیشیندا ، بیزی ایکیه بؤلن آرازین سیمگه سی اولان چیزگی ده قالدیریلیرکن ابدی و میللی بایراغیمیزا قاوشموش اولوروق. هله لیک بو گئچیجی بایراغا باخان درین دوشونن لر اوندا بوتؤ آذربایجانی گؤره بیلرلر. تاسف کی اوندا بیزی ظولمولن آییران ، بیزی ایکیه بؤلن سینیری دا گؤره بیله ریک. بو بایراق هر کسین و یا هر قوروپون سیرادان سوندوغو بایراغا بنزه مز . اوندا عجله یله میللی بایراغیمیزین بویالاریلا و یا کسیشلریله اوینانیلمامیش. بو بایراقدا بوتؤ آذربایجانین دوغرو و گرچک ایندیکی دورومو گؤرونور. بو بایراقدا بیر میللتی ایکیه بؤلن آراز چایینین آجی گرچه یی میللی بایراغیمیزی دییشدیرن یالنیز سیمگه اولموشدور. بو بایراق آپ آچیق گرچه یی اورتایا قویارکن ابدی و میللی بایراغیمیزی زّدّه لهّ مّمیشدیر. دئمک بیر وطنی ایکیه بولوندویونو گؤستررکن سایقیسیزلیق ائتمه میشدیر. یاخین گئچمیشده باشقا سونولان و حتتی گونئی آذربایجانین میللی بایراغی دییه یئرلشدیرلمه یه چالیشیلان بایراقلاردا بوتؤ آذربایجان بایراغینی سایقیسیزلیک لارین اولدوغونا تانیش اولموشوق. تاسف کی اؤزل و کیشی سل سئچه نک لردن یولا چیخان و یئرینین بؤش اولماماسینی گودن کیمسه لر و قوروپلار ابدی و میللی بایراغیمیزی اؤز اویونلارینا گتیرمیشلر. ایندی جوره به جوره گونئی آذربایجان بایراغی اورتالاردا میللی بایراق آدلانارکن گونئی آذربایجان ایستیقلال پارتیاسینین بایراغی ان دوزگون ان اویقون و بیزی سیمگه لین ان دوغرو بایراق گؤرونمک ده دیر.   سایقیلاریملا اوغوز تورک