|
خان تورک
دئدیلر سانکی منه پان تورکم من دودیم سهو ائله دیز خان تورکم
ائلیمین دوشمنینه اوخ َسونگو ائلیمین دوستونا من جان تورکم
شانلی تاریخیم اولوب کئچمیشده تئلیه ین دونیانی حیران تورکم
گون به گون شانیم اوجالماقدادی چون شانلی دوورانه گیرن شانتورکم
منه جان جان دئیهنه جان جان تورک منه قان قان دئیه نه قان تورکم
دایم اینسانلیق اولوب آمالیم اینسانا سایقیلی تورکم
دده مین اوغلویام ایلکن گوندن دده می من تانیاندان تورکم
منه یواسوز دئمه سین یولسوزلار یولوم آیدیندی من اعیان تورکم
بیر گون اولدومسا سومر بیر گون ماد من اورارتو ایله مهران تورکم
بیر گون ایلامدا من اولدوم مدنی ماننایامَ قوتتی یمَ اشکان تورکم
اسلامین بیر زامان اولدوم قیلیجی ایسلاما جارچی مسلمان تورکم
منه یولسوز دئیه نه ذولفقارام سالارام مولکونه طوفان تورکم
پارچا پارچا اولور آذربایجان سانکی من بوردا سیخیلقان تورکم
ایندی یاد اوغلو منه یاد دئمه سین گوزو گورسون بوتون آذربایجان تورکم
تولکو اسلان ایله گیرمز ساواشا گئری دورسون کی من اسلان تورکم
بیر قیغلجیم اونا اود پوسگورسم دودمانی گئدر آسان تورکم
عاقیل اینسان کی دولشماز تورکه یوخسا من یوردونا ولکان تورکم
وطنیم یادلارا یورد اولمایاجاق وطنیم ایچره خورامان تورکم
یوردومون توپراغینا گوز تیکنی ائله ین گونده هراسان تورکم
وطنیمدیروطنیمدیر وطنیم وطنیم آذربایجان تورکم.
بهرام اسدی
اورموسسی
| 
